បច្ចុប្បន្ន​ iOS និង​ Android ហាក់​មើល​ទៅ​ជា​ប្រព័ន្ធ​ប្រតិបត្តិការ​ មាន​តែ​ពីរ​កំពុង​ប្រជែង​គ្នា​ ខណៈ​ Android មាន​ទូរសព្ទ​ពី​ Brand ផ្សេង​កំពុង​ប្រើ​ដូចជា​ Samsung, LG សូម្បី​តែ​ BlackBerry។

លទ្ធភាព​ប្រើប្រាស់​

iPhone X មាន​តម្លៃ​ខ្ទង់​ពាន់​ ខណៈ​ជំនាន់​ក្រោម​នេះ​ខុស​គ្នា​ពី​ ១​០០ ទៅ ២០០ ដូចជា​ iPhone 8 Plus, iPhone 8 និង​ម៉ូដែល​ចាស់​ iPhone 6S, iPhone SE។ ក៏​មាន​ជម្រើស​ផ្សេង​ដែរ​ គឺ​ទូរសព្ទ​មួយ​ទឹក​ តែ​ត្រូវ​ទទួល​ហានិភ័យ​ដោយ​ខ្លួន​ឯង​ពេល​ជ្រើស​ទិញ​មក​ប្រើ​។

ទូរសព្ទ​ Android ក៏​មាន​ម៉ូដែល​តម្លៃ​ខ្ពស់​ ដែរ​ ដូចជា​ Pixel 2 របស់​ Google និង​ ត្រកូល​ Galaxy Note របស់​ Samsung។ យ៉ាង​ណា​មិញ​ ក៏​មាន​ជម្រើស​ធូរ​ថ្លៃ​ជាង​នេះ​ច្រើន​ ផលិត​ដោយ​ក្រុមហ៊ុន​ផ្សេង​ ដោយ​កាត់បន្ថយ​គុណភាព​សមាសធាតុ​ និង​មុខងារ​របស់​ទូរសព្ទ​ តែ​អាច​ប្រើ​បាន​។

#ត្រង់​ចំណុច​នេះ​ Android មាន​ភាព​លេចធ្លោ​

កម្មវិធី​

និយាយ​ពី​ចំនួន​កម្មវិធី​អាច​ទាញ​យក​ប្រើ​បាន​ក្នុង​ Google Play Store មាន​ ៣,៥ លាន​ និង​ Apple App Store មាន​ ២,២ លាន​។

តម្លៃ​បង្កើត​គណនី​ក្នុង​ការ​បង្ហោះ​កម្មវិធី​ប្រើប្រាស់​ចំពោះ​ Android មាន​ ២៥ ដុល្លារ​ ប្រើ​បាន​រហូត​ ខណៈ​ iOS ត្រូវ​បង់​ ៩៩ ដុល្លារ​ ក្នុង​មួយ​ឆ្នាំ តែ​មាន​ការ​យក​ចិត្ត​ទុក​ខ្លាំង​ជាង​ចំពោះ​កម្មវិធី​នានា​មុន​ពេល​បង្ហោះ​លើ​ Store។ អ្នក​អភិវឌ្ឍន៍​កម្មវិធី​ជា​ច្រើន​ ផ្ដោត​លើ​ទីផ្សារ​ Android មុន​ តែ​នៅ​អាមេរិក​ iOS មាន​ការ​នាំ​មុខ​។

Play Store មាន​ភាគរយ​កម្មវិធី​អាច​ទាញ​យក​ប្រើ​ឥត​គិត​ថ្លៃ​ច្រើន​ជាង​ App Store តែ​ ហ្គេម​ល្អ​ៗ នៅ​តែ​មាន​លើ​ iOS ជាមុន​ ។ ពិត​ណាស់​ គុណភាព​ នាំមុខ​បរិមាណ​។

#ត្រង់​ចំណុច​នេះ​ iOS លេចធ្លោ​ជាង​

App Store

App Store របស់​ Apple សម្រាប់​ iOS 11 មាន​ការ​រចនា​បាន​យ៉ាង​ល្អ​ ងាយស្រួល​ប្រើប្រាស់​ និង​ការ​ណែនាំ​ កម្មវិធី​នានា​មាន​ភាព​ត្រឹមត្រូវ​។ Play Store ងាយស្រួល​ស្វែងរក​ ហើយ​អាច​ដំឡើង​កម្មវិធី​ពី​ Web Browser លើ​ PC ឬ​ Laptop។

លើ​ iPhone អាច​ទិញ​កម្មវិធី​ប្រើ​ TouchID ខណៈ​លើ​ទូរសព្ទ​ Android ក៏​អាច​ធ្វើ​ដូចគ្នា​លើ​ Play Store ជាមួយ​ Fingerprint sensor។ លើ​ Play Store មាន​គោលការណ៍​អាច​ Refund ការ​ទិញ​កម្មវិធី​ក្រោយ​ប្រើ​មិន​ពេញចិត្ត​ក្នុង​រយៈពេល​ ២ ម៉ោង​។ App Store មាន​ការ​តឹងតែង​ចំពោះ​កម្មវិធី​លើ​ Store ខ្លួន​ អាច​ Block កម្មវិធី​មិន​សមរម្យ​ ផ្ដល់​គុណភាព​ក្នុង​ការ​ប្រើប្រាស់​។

#ត្រង់​ចំណុច​នេះ​ iOS មាន​ការ​លេចធ្លោ​

ទាញ​យក​កម្មវិធី​ពី​ប្រភព​ផ្សេង​

លើ​ Android មាន​ភាព​ងាយស្រួល​ក្នុង​ការ​ដំឡើង​កម្មវិធី​ APK ទាញ​យក​ពី​ប្រភព​នានា​ ក្រៅ​ពី​ Store បាន​ តែ​គួរ​ដឹង​ប្រភព​ច្បាស់លាស់​ អាច​ជឿ​ទុក​ចិត្ត​បាន​ ខណៈ​ iOS មិន​អនុញ្ញាត​ចំពោះ​កម្មវិធី​ពី​ប្រភព​ផ្សេង​ក្រៅ​ពី​ App Store នោះ​ទេ​។

#ត្រង់​ចំណុច​នេះ​ Android មាន​ការ​លេចធ្លោ​

ថាមពល​ថ្ម​

ទាំង​ Android និង​ iOS អាច​ឃើញ​ការ​ប្រើ​ថាមពល​ថ្ម​ដោយ​កម្មវិធី​នីមួយៗ​ ប៉ុន្តែ​មាន​តែ​ Android ប៉ុណ្ណោះ​បង្ហាញ​ការ​ប៉ាន់ស្មាន​ចំនួន​ថាមពល​ថ្ម​នៅ​សល់​។ ប្រព័ន្ធ​ទាំង​ពីរ​មាន​មុខងារ​ Power Saving mode អាច​ពន្យារ​ការ​ប្រើ​ថាមពល​ថ្ម​ ដោយ​បន្ថយ​ល្បឿន​ប្រើប្រាស់​ និង​មុខងារ​មួយ​ចំនួន តែ​លើ​ Android ហាក់​ងាយស្រួល​កែប្រែ​ជាង​។

Android ផ្ដល់​មុខងារ​សាក​ថ្ម​បាន​លឿន​ និង​ការ​សាក​ថ្ម​តាម​ Wireless ខណៈ​ iPhone 8, 8 Plus និង​ iPhone X របស់​ Apple ក៏​ផ្តល់​មុខងារ​នេះ​ដែរ​ តែ​ត្រូវ​ទិញ​ Adapter ដាច់​ដោយ​ឡែក​ តែ​ចំពោះ​ទូរសព្ទ​ Android ភាគច្រើន​មាន​ស្រាប់​ក្នុង​ប្រអប់​។ ដោយ​ប្រៀបធៀប​ទូរសព្ទ​ Android និង​ iPhone តម្លៃ​ស្រដៀង​គ្នា​ Android ហាក់​ប្រើ​បាន​យូរ​ជាង​។

#ត្រង់​ចំណុច​នេះ​ Android មាន​ការ​លេចធ្លោ​ជាង​

កំណែ​ទម្រង់​

iOS មាន​ការ​អាប់ដេត​ទាន់​ពេលវេលា​ បើ​ចង់​បាន​ដូចគ្នា​លើ​ Android ទាល់​តែ​ទិញ​ទូរសព្ទ​ Pixel របស់​ Google។

ស្ទើរតែ​ ៩០% រាល់ iOS device ប្រើ​ជំនាន់​ចុង​ក្រោយ​ ខណៈ​ Android device មាន​តែ​ ០.៥% កំពុង​ប្រើ​ Android 8.1 Oreo។

#ត្រង់​ចំណុច​នេះ​ iOS មាន​ការ​លេចធ្លោ​ជាង​

កែប្រែ​តាម​ការ​ពេញចិត្ត​

Android មាន​ Theme អាច​កែ​ប្រើ​ Layout សម្រាប់​ Home screen ឬ​បន្ថែម​ Widget និង​ Shortcut នានា​ បាន​ងាយស្រួល​។ iOS អាច​កែប្រែ​ផ្ទៃ​ខាងក្រោយ​ ហើយ​ក៏​មាន​ Widget កំណត់​មួយ​ដែរ​ តែ​មិន​សូវ​មាន​សេរីភាព​ដូច​នឹង​ Android នោះ​ទេ​។

#ត្រង់​ចំណុច​នេះ​ Android មាន​ការ​លេចធ្លោ​ជាង​

ងាយស្រួល​ចូល​ប្រើ​មុខងារ​

iOS មាន​ភាព​ងាយស្រួល​ចូល​ប្រើ​មុខងារ​សំខាន់ៗ​ ដូចគ្នា​រាល់​ iOS device ខណៈ​ Android មាន​ភាព​ខុសគ្នា​ទៅ​តាម​ក្រុមហ៊ុន​ផលិត​។

#ត្រង់​ចំណុច​នេះ​ iOS មាន​ការ​លេចធ្លោ​ជាង​

កម្មវិធី​ផែនទី​

Google Maps និង Apple Maps ផ្ដល់​ភាព​​ងាយស្រួល​ក្នុង​ការ​មើល​ទីកន្លែង​នានា​ត្រឹម​លើ​ទូរសព្ទ​ តែ​បើ​ប្រើ​នៅ​ប្រទេស​យើង​ Google Maps ហាក់​មាន​ភាព​ត្រឹមត្រូវ​ជាង​ និង​ងាយស្រួល​ប្រើប្រាស់​ ចំពោះ​ទិន្នន័យ​ទីតាំង​នីមួយៗ​។

#ត្រង់​ចំណុច​នេះ​ Android មាន​ការ​លេចធ្លោ​ជាង​

Voice Assistants

Siri របស់​ Apple ធ្វើការ​ដូច​នឹង​ Google Assistant តែ​ Siri ហាក់​ផ្ដោត​លើ​ការ​ជួយ​ដល់​ការ​កំណត់​ការ​ណាត់​ជួប​ ស្រាវជ្រាវ​វេបសាយ​ ឬ​ការ​ Call ខណៈ​ Google Assistant មាន​ស្រទាប់​បន្ថែម​ ដែល​អាច​ផ្ដល់​ជម្រើស​ (Suggestion) មាន​ប្រយោជន៍​មួយ​ចំនួន​ ហ្គេម​កម្សាន្ត​ និង​ផ្ដល់​ព័ត៌មាន​ជាច្រើន​ផ្អែក​លើ​អ្វី​អ្នក​កំពុង​ធ្វើ​ អាច​ថា​ឆ្លាត​ជាង​ Siri។

#ត្រង់​ចំណុច​នេះ​ Android មាន​ការ​លេចធ្លោ​ជាង​

សុវត្ថិភាព​

ទូរសព្ទ​ Android រាប់​លាន​ នៅ​បន្ត​ប្រើ​ប្រព័ន្ធ​ជំនាន់​ចាស់​ ដែល​មាន​បញ្ហា​មួយ​ចំនួន​ ដូច​ដឹង​ស្រាប់​ហើយ​កំណែទម្រង់​ថ្មី​ គោល​បំណង​ដោះស្រាយ​បញ្ហា​ និង​ផ្ដល់​សុវត្ថិភាព​បន្ថែម​លើ​ប្រព័ន្ធ​ចាស់​។

iOS មាន​ការ​ពង្រឹង​ផ្នែក​សុវត្ថិភាព​ខ្ពស់​ រួម​ជាមួយ​នឹង​បច្ចេកវិទ្យា​ TouchID និង​ FaceID។ Apple ផ្ដល់​អាទិភាព​ដល់​ព័ត៌មាន​ឯកជន​អ្នក​ប្រើប្រាស់​ រាល់​ទិន្នន័យ​អ្នក​មិន​ត្រូវ​បាន​រក្សាទុក​ និង​ Read ដោយ​ Apple នោះ​ទេ​។

Android ធ្វើការ​ការពារ​ទិន្នន័យ​មួយ​ចំនួន​ តែ​មិន​ទាំងស្រុង​នោះ​ទេ​ ដោយសារ​មាន​ផល​ចំណេញ​ចំពោះ​ពាណិជ្ជកម្ម​ និង​បង្កើន​សមត្ថភាព​ AI។

#ត្រង់​ចំណុច​នេះ​ iOS មាន​ការ​លេចធ្លោ​ជាង​