វីដេអូ​នៅ​លើ​បណ្ដាញ​អ៊ីនធឺណិត​នៅ​រយៈពេល​ប៉ុន្មាន​ឆ្នាំ​ចុងក្រោយ​នេះ មាន​កំណើន​ក្នុង​ការ​បង្ហោះ​ផ្សាយ​យ៉ាង​ច្រើន ហើយ​វីដេអូ​មួយ​ចំនួន​ក៏​មាន​អត្ថប្រយោជន៍​ផ្ដល់​ជា​ចំណេះដឹង​ផ្សេងៗ ឬ​ការ​កម្សាន្ត​អារម្មណ៍​សប្បាយៗ ដែល​នាំ​ឱ្យ​មនុស្ស​ចូលចិត្ត​ទស្សនា​ជា​ប្រចាំ។ មានពេលខ្លះ ប្រហែល​ជា​លោក​អ្នក​ត្រូវ​ការ​ទាញ​យក (download) វីដេអូពី Youtube ឬវែបសាយផ្សេងៗណាមួយ ព្រោះ​ងាយ​ស្រួល​ទស្សនា​នៅ​ពេល​អត់​អ៊ីនធឺណិត​ប្រើ ម្យ៉ាង​ក៏​ដោយ​សារ វីដេអូខ្លះមានសារៈសំខាន់ ដូច្នេះការទាញយកមកទុកនៅលើកុំព្យូទ័រ គឺជាជម្រើសល្អ ដើម្បីបើកមើលឡើងវិញបានឆាប់រហ័ស។

បច្ចុប្បន្ន វិធីសាស្ត្រទាញយកវីដេអូ គឺមានច្រើនផ្សេងៗគ្នា ដែលខ្លះត្រូវការកម្មវិធីជំនួយ ខ្លះមិនត្រូវការកម្មវិធីក៏អាច download បាន។ ទំព័រនេះ យើង សូមលើកយកគន្លឹះខ្លីៗអំពីរបៀប Download វីដេអូទាំងឡាយដែលស្ថិតនៅលើវែបសាយផ្សេងៗដោយសេរី ទោះមិនមែនវីដេអូ Youtube ក៏អាចទាញយកបាន។

នៅលើកម្មវិធី Firefox គឺមាននូវ add-ons មួយឈ្មោះថា video download helper ដែលបន្ទាប់ពីអ្នកដំឡើងរួច នឹងមានបង្ហាញរូប icon មួយស្ថិតនៅផ្នែកខាងលើ ចំហៀងខាងស្ដាំនៃ Firefox។

១) ប្រសិនលោកអ្នកមិនទាន់ប្រើកម្មវិធី Firefox ទេ អាចដំឡើង Mozilla Firefox ជំនាន់ចុងក្រោយនេះជាមួយសិន ។ Add-ons នេះមានតែនៅលើ Firefox ប៉ុណ្ណោះ ចំណែកកម្មវិធី Browser ដទៃ អ្នកអាចស្វែងរក extension ជាមួយពាក្យគន្លឹះ video downloader បាន។

Firefox ជា browser មួយដែលងាយស្រួលប្រើ មានលក្ខណៈ ងាយស្រួលក្នុងការ configure ហើយសំបូរ add-ons ច្រើន។

២) ដំឡើង “Video DownloadHelper” extension នៅ​លើ Firefox

បើកកម្មវិធី Firefox រួចហើយចុច Shortcut “Ctrl + Shift + A” ដើម្បីចូលទៅដល់ផ្នែក Add-ons របស់ Firefox។ នៅត្រង់ប្រអប់ search សូមស្វែងរកនូវពាក្យ Video DownloadHelper រួច​ហើយ​ចុច​លើ​ប៊ូតុង Install។ ក្រោយ​ពេល​ដំឡើង​ នោះ​អ្នក​នឹង​ឃើញ​រូប icon នៅ​ផ្នែក​ខាង​លើ ចំហៀង​ខាង​ស្ដាំ​នៃ​កម្មវិធី Firefox។

៣) បើកចូលគេហទំព័រវីដេអូណាមួយ ដូចជា Youtube. Facebook ឬ Vimeo និងវែបសាយជាច្រើនផ្សេងទៀត នោះអ្នកនឹងឃើញរូប icon របស់កម្មវិធី DownloadHelper នឹងមានចលនា ហើយអាចឱ្យអ្នកចុច Download វីដេអូបាន។

៤) ស្វែងរកវីដេអូដែលអ្នកចង់ download។ ចុចលើរូប icon កម្មវិធី DownloadHelper ដើម្បី download ជាមួយជម្រើសគុណភាពផ្សេងៗគ្នា ដែលអ្នកអាចជ្រើសរើសបាន។ ក្នុងនោះ ក៏មានប្រភេទវីដេអូផ្សេងៗដែលអ្នកអាចជ្រើសរើសបាន ដូចជា mp4, flv ឬ 3gp ជាដើម។

៥) ទាញយកកម្មវិធី Covert សម្រាប់ file៖
នៅពេលអ្នកចុចលើជម្រើសទាំងនោះរួចរាល់ហើយ នោះអ្នកនឹងឃើញម៉ឺនុយផ្សេងមួយទៀតលេចឡើង។ ប្រសិនអ្នកចុចលើ “Download” ឬ “Quick download” នោះ file នឹងត្រូវ download ក្នុងទម្រង់ format ដែលអ្នកបានជ្រើសរើស។ ប្រសិនអ្នកត្រូវការបម្លែង file ទៅ format ផ្សេង អ្នកអាចជ្រើសយក “Download & Convert៕