សម្រាប់អ្នកគាំទ្រក្រុមហ៊ុន ឬវីរបុរសក្នុង Marvel ប្រាកដជាបានស្គាល់តួអង្គ ទាំងនោះហើយនៅក្នុង ខ្សែភាពយន្ត ឬបានទាញយកហ្គេម ដែលមានតួអង្គទាំងនេះ មកលេងពីមុនមក ដែលហ្គេមនេះ មានតួអង្គល្បីៗជាច្រើន ចេញពី Marvel។ ហេ្គមនេះជាលក្ខណៈ Role Playing ដែលអ្នកលេងជាតួអង្គ Superhero មានក្នុងហ្គេម ហើយដើរវាយបិសាច ពីមួយវគ្គ ទៅមួយវគ្គ។ ហ្គេមនេះមានឈ្មោះថា MARVEL Strike Force បង្កើតឡើងដោយក្រុមហ៊ុន ផលិតហ្គេម FoxNext Games ដែលអាចទាញយក ដោយឥតគិតថ្លៃក្នុង ស្មាតហ្វូន ឬថេប្លេតរបស់អ្នក។  ដោយហ្គេមនេះ ភ្ជាប់ជាមួយ តួអង្គជាច្រើន មានក្រាហ្វិកស្អាត ថែមទាំងបូកនឹង សាច់រឿងល្អ ដូច្នេះវាអាចទាក់ទាញចិត្ត អ្នកលេងបានច្រើនគួរសមដែរ។

សម្រាប់អ្នកដែល ធ្លាប់ឃើញហ្គេមនេះក្នុង Google Play Store ពីមុន នោះគឺដោយសារហ្គេមនេះ មានដាក់ឲ្យអ្នកលេង ចុះឈ្មោះជាមុន (Pre-Registration) ដូច្នេះពេលហ្គេមចេញ អ្នកដែលបានចុះឈ្មោះ នឹងទទួលបាន ដំណឹងមុនគេ។ ហ្គេមនេះ មានលក្ខណៈ ដូចហ្គេម Star Wars: Galaxy Of Heroes និង DC Legends: Battle For Justice ដែរ ដោយវាតម្រូវឲ្យយើង លេងរបៀបមាន យុទ្ធសាស្រ្តប្រយុទ្ធ ដើម្បីអាចឲ្យឈរជើង ដល់វគ្គមេបញ្ចប់។ ការងារអ្នកគឺ ប្រមូលក្រុមអ្នក ដើម្បីប្រយុទ្ធ ជាមួយបិសាចតាមផ្លូវ ហើយអ្នកនឹង ទទួលបានរង្វាន់ ទុកសម្រាប់អាប់ដេត តួអង្គណា ដែលអ្នកចូលចិត្ត ឲ្យខ្លាំងទៅៗតាមកម្រិតវា ផងដែរ។ តួអង្គទាំងនោះ រួមមាន ភ្នាក់ងារ S.H.I.E.LD, Spider-Man, Doctor Strange, Groot, Rocket Raccoon, Loki, Elektra, Captain America, Iron Man និងច្រើនតទៅទៀត ដែលអ្នកនឹងជួបក្នុង ពេលដោះវគ្គនីមួយៗ។

*****សម្រាប់ទៅកន្លែងទាញយក iOS | Android


សរុបមក នេះគឺជាហ្គេមវាយគ្នាថ្មីមួយដែលទាក់ទងនឹងតួអង្គល្បីៗ Marvel ថែមទាំងមានក្រាហ្វិកស្អាត លក្ខណៈនៃការលេង ក៏សប្បាយគួរសមដែរ ដូច្នេះបើសិនជាអ្នក អាន កំពុងរកហ្គេមវាយគ្នា បូកផ្សំនឹងយុទ្ធសាស្រ្ត ក្នុងការប្រយុទ្ធខ្លះ និងមានតួអង្គទ្បូយ ពី Marvel ចឹងចាំកាលទៀត ហ្គេមនេះពិតជាសាកសម នឹងអ្នក ជាមិនខាន។

អត្ថបទពី៖cambo-report