ការ​បើក​មើល​គេហទំព័រ​លើ​ប្រព័ន្ធ​អ៊ីនធឺណិត​ពេល​អ្នក​ជួប​បញ្ហា​អ្វី​មួយ ភ្លាម​នោះ​នឹង​លោត​កូដ​ប្លែកៗ​ខុស​ពី​គ្នា។ ក្នុង​នោះ​កូដ 404 Error ឧស្សាហ៍​ប្រទះ​ឃើញ​ញឹកញាប់​បំផុត ដោយ​ជឿ​ថា​មួយ​ភាគ​ធំ​ក៏​នៅ​មាន​មន្ទិលសង្ស័យ​ជុំវិញ​​បញ្ហា​នេះ។

កូដ 404 Error ជា​សារ​កំហុស​ដ៏​សាមញ្ញ​មួយ​លើ Webpage។ វា​បញ្ជាក់​ទៅ​អ្នក​ប្រើប្រាស់​ថា​ Link ឬ URL ដែល​ពួក​គេ​បាន​វាយ​បញ្ចូល មាន​ភាព​មិន​ត្រឹមត្រូវ​ឬ​ហួសសម័យ។ វា​ក៏​អាច​មក​ពី​ទំព័រ​ឬ​ទិន្នន័យ​លើ​គេហទំព័រ​នោះ​ ត្រូវ​បាន​លុប​ចោល​ឬ​ប្តូរ​ទីតាំងដោយ​មិន​ទាន់ Update ឲ្យ​រត់​ស្វ័យប្រវត្តិ​ទៅ URL ថ្មី ជា​ហេតុផល​ធ្វើ​ឲ្យ​សារ 404 លោត​មក​ជា​ញឹកញយ។​

ធម្មតា​ប្រភេទ​សារ​នេះ បើ​គ្មាន​ការ​កំណត់​អាច​លោត​ថា 404 Page Not Found ឬ 404. That’s an error ប៉ុន្តែ​សម្រាប់​ម្ចាស់​គេហទំព័រ​ក៏​មាន​សិទ្ធិ​កែច្នៃ​និង​រចនា​ក្នុង​ទម្រង់​ប្លែក​ខុស​ពី​គ្នា ទៅ​តាម​ចំណង់ចំណូលចិត្ត​ដែល​ខ្លួន​ចង់​បាន។

យ៉ាងណាមិញ​ក៏​មាន​កូដ​ Error ផ្សេង​ទៀត​ដូច​ជា 200 តំណាង​ឲ្យ Webpage ដែល​អ្នក​ស្វែងរក​ពិត​ជា​មាន ប៉ុន្តែ​ដំណើរការ​មិន​ប្រក្រតី និង 301 បញ្ជាក់​ពី​ទិន្នន័យ​នោះ​ត្រូវ​បាន​យក​ទៅ​ដាក់​ទីតាំង​ថ្មី​ផ្សេង​ទៀត។​​
ប្រភពពី៖News.Sabay