ថ្មីៗនេះ ក្រុមហ៊ុនបច្ចេកវិទ្យា Xiaomi ដែលទើបតែប្រកាសបង្ហាញនូវស្មាតហ្វូនស៊េរីថ្មីម៉ូដែល Mi MIX 2S ហើយពេលនេះ មានការបង្ហាញចេញនូវវីដេអូផ្សព្វផ្សាយពាណិជ្ជកម្មដំបូងបំផុតរបស់ស្មាតហ្វូននេះតាមរយៈគេហទំព័រ YouTube ផ្លូវការរបស់ក្រុមហ៊ុននេះ ដែលបានផ្តោតសំខាន់ទៅលើការរចនារូបរាងថ្មី ដែលស្រដៀងគ្នាទៅហ្នឹង iPhoneX ចឹងដែរ។

លោកអ្នកអាចមើលឃើញអំពីពណ៌របស់ស្មាតហ្វូន Mi MIX 2S ដែលមានពណ៌ស និងពណ៌ខ្មៅនោះ។ ក្រុមហ៊ុន Xiaomi បានទើបតែបង្កើតនូវវីដេអូប្រភេទ Cinematic ដើម្បីបង្ហាញនូវការរចនារូបរាងរបស់ស្មាតហ្វូននេះ ប៉ុន្តែសម្រាប់លក្ខណៈសម្បត្តិរបស់ស្មាតហ្វូន មិនបានធ្វើការបង្ហាញលើកឡើងនៅក្នុងវីដេអូនេះនោះទេ។

ស្មាតហ្វូនស៊េរីថ្មី Xiaomi Mi MIX 2S មានរ៉េម 6GB និងទំហំ 8GB ហើយនិងមានម៉េមូរីក្នុងម៉ាស៊ីនដល់ទៅ 2 គឺទំហំ 128GB និង 256GB សម្រាប់ជ្រើសរើស។ ក្រុមហ៊ុន Xiaomi បានបញ្ចេញនូវស្មាតហ្វូន Mi MIX 2S ដែលមាននរូបរាងដូចគ្នាបះបិទទៅនឹងស្មាតហ្វូន Xiaomi Mi MIX 2 ប៉ុន្តែមានលក្ខណៈផ្សេងគ្នា គឺទៅលើប្រព័ន្ធកាមេរ៉ាប៉ុណ្ណោះ គឺស្មាតហ្វូន Xiaomi Mi MIX 2 ប្រើប្រាស់នូវកាមេរ៉ាមួយគ្រាប់ ស្របពេលដែលស្មាតហ្វូន Mi MIX 2S ប្រើប្រាស់ប្រព័ន្ធកាមេរ៉ាភ្លោះ។

ស្មាតហ្វូននេះ ប្រើប្រាស់នូវសេរ៉ាមិច ដែលរឹងមាំជាងកញ្ចក់ដែលពិតជាមិនងាយស្រួលក្នុងការកោសឆ្កូតនោះទេ។ ស្មាតហ្វូនស៊េរីថ្មីនេះ មានទម្ងន់ 200 ក្រាម ហើយវាក៏មានប្រើប្រាស់នូវបច្ចេកវិទ្យា wireless charging ផងដែរ។ ស្មាតហ្វូននេះ ប្រើប្រាស់បន្ទះឈីប Snapdragon 845 64-bit octa-core processor នៅពេលដែលស្មាតហ្វូន Mi MIX 2 ប្រើប្រាស់បន្ទះឈីប Snapdragon 835 SoC។

ស្មាតហ្វូនស៊េរីថ្មី Xiaomi Mi MIX 2S បំពាក់នូវអេក្រង់ទំហំ 5.99-inch fullHD+ 2160×1080 ភិចសែល និងមានកាមេរ៉ាខាងក្រោយទំហំ 12MP និងប្រព័ន្ធស្កេនក្រយ៉ៅដៃផងដែរ។ ស្មាតហ្វូននេះ មានកាមេរ៉ាមុខទំហំ 5MP ហើយនិងមានថាមពលថ្ម 3400mAh ។ ស្មាតហ្វូន Mi MIX 2S មានស៊ុមព័ទ្ធអេក្រង់ស្តើង ដូចគ្នាទៅហ្នឹងបណ្តាក្រុមហ៊ុននានាដែលទើបតែបានបង្ហាញនាពេលថ្មីៗនេះដែរ៕